Sa aklat na ito kinikilala ni Dr. Leonardo D. de Castro ang pagdadalumat na binabansagang "Etikang Pilipino." Mga instrumentong pampilosopiya ang kanyang ipinanghihimay sa mga tekstong kanyang natagpuan, at dalawa ang nakita niyang dinadaluyan ng mga kaisipan at konseptong kinakasangkapan sa pang-etikang pagdadalumat ng mga Pilipino. Galing sa kanluraning pilosopiya ang isa, at buhat naman sa kamalayang hinubog sa sarili nating kalinangan. Bagamat magkahiwalay ang dalawang sistema at magkaibang-magkaiba ang pagdadalumat tungkol sa mabuti at masama sa bawat sistema, nakita ni Dr. de Castro sa kanyang pag-aaral na nagkakalapit sa maraming punto ang kanluranin at ang ating sariling etika. Sa mga puntong ito maipaghahambing ang magkahiwalay at talaga namang magkaibang sistema ng pang-etikang pagdadalumat. Malinaw rin sa aklat na ito na malamang humantong ang ganitong paghahambing sa isang maayos na balangkas na makatotohanang matatawag na "Etikang Pilipino" na makabuluhan para sa lahat ng Pilipino sa lahat ng dako ng ating bayan.

Silvino V. Epistola (Ph.D. Harvard, 1971)

Author: Leonardo D. De Castro
ISBN/ISSN: 978971542070-9
Category: Social Sciences
Copyright: 1995
Pages: 354pp
Size: 6x9
Type: PB/BP